ILOILO – Gindayaw ni Iloilo City Mayor Jerry Treñas ang tanan nga yara sa likod sang pagpatuman sang nangin madinalag on nga Dinagyang 360 sang damlag lang.
Sa iya nangin pahayag kadungan sang ginpatigayon nga pagsaulog sang Chinese New Year iya ginpahayag nga nangin madinalag on man ang pagpatigayon sang Chinese New Year kaangay sang sa Dinagyang
Suno sa alkalde, kadungan sang pagsulod sang bag o nga tuig ini na ang tion nga maghugpong agud mapa uswag ang syudad sang Iloilo.
Dugang sang natungdan, ang mabaskog kag madugay na nga pag abyanay sang mga Ilonggo kag Chinese ang mangin paagi agud mas mag uswag pa ang syudad.
Samtang, tuman man nga nagadayaw si Iloilo City Lone District Congresswoman Jamjam Baronda sa isa sa pinaka dako nga selebrasyon sang Chinese sa bilog nga pungsod.
Suno sa Kongresista, humalin sang una nangin dako na ang katungdanan sang Ilongo-Chinese community sa ekonomiya sang Iloilo.
Ini bangud, ang mga Chinese ang nagdala sang madamo nga negosyo sa Iloilo kag dako ang nangin bulig sini sa pagpa ayo sang ekonomiya sang syudad.
Nagpasalig naman ang natungdan, nga kadungan sang pagsulod sang bag o nga tuig mas mangin mabaskog pa ang pag abyanay sang mga Ilongo kag Chinese.
Dugang pa, padayon man ang maayo nga relasyon sang pampubliko kag pribado nga sektor para sa mas masanag nga bwas damlag sang Iloilo.
