ILOILO CITY – Nagapabilin nga prayoridad sang Marcos administration ang pagsolbar sang inflation.
Sa tweet ni Presidente Ferdinand Marcos Jr., magapadayon ang paggamit sang interest rates agud nga mahagan-hagan ang epekto sini.
Sa isa ka survey nga ginpagwa sang Oktubre, 42% sang mga Pilipino ang indi kumbinsido sa performance sang Marcos administration sa pag-control sang inflation nga amo ang top urgent national concern sa pungsod.
Apang suno kay Marcos, mas maayo ang performance sang Pilipinas kun ikumparar sa iban nga pungsod kun inflation ang pagahambalan.
Una na nga ginpahayag ni Socioeconomic Planning Secretary Arsenio Balisacan nga ang mataas nga inflation ang ginalauman nga magapahina sang economic growth sang pungsod sa 0.6 percent kun ikumpara sa ginalauman nga lebel sini sa 2023.
Nagaplano naman ang gobyerno nga i-address ang problema sang inflation pinaagi sa padayon nga paghatag sang assistance sa most vulnerable groups pinaagi sa paghatag sang subsidy programs ilabi na sa mga mangunguma, manugpangisda kag mga drivers.
