Isa ang Panay-Guimaras-Negros Bridge project sa apektado sang pag-untat sang South Korea sang funding support sa mga bridge projects sa Pilipinas.
Kasunod ini sang mando ni South Korean President Lee Jae-myung sang madasig nga pagpauntat sang 700 billion Korean won ukon kapin P28.7 billion loan support nga ginahatag sang ila gobyerno para sa mga ginatukod ng mga taytay sa Pilipinas kasunod sang paglupok sang isyu sa korapsyon.
Nahibaluan nga maga-provide kuntani ang South Korea sang kapin $1 billon para sa pagpatukod sang una nga segment sang proyekto nga amo ang 13 kilometros nga kalabaon sang taytay nga magakonekta sang Panay kag Guimaras.
May yara man sang $56.6 million nga utang ang Pilipinas halin sa Korean Export-Import Bank para sa engineering nga ginalakipan sang desinyo kag assistance para sa procurement sang kabilugan nga proyekto nga nagalaba sang 32.47 kilometros.
