Masarangan mo bala mag-uyat sang bagay nga human sa panit sang iban… nga halimbawa abi… human sa panit sang tawo?
Sang damlag lang, madamo gid ang interesado sa nangin anunsyo sang Harvard University nga ginkakas sini ang panit sang tawo nga amo nga cover sang isa ka 19th century nga libro nahanungod sa afterlife.
Ini nga libro ang yara na sa ila nga koleksyon halin pa sang 1930s. Ang desisyon sang unibersidad ang kasunod sang review nga ginpatigayon kun sa diin may ethical concerns sa maragtas sang amo nga libro.
Ini nga libro nga ginatawag “Des Destinées de L’âme,” ukon “Destinies of the Soul,” ang ginsulat sang French novelist kag poet nga si Arsène Houssaye 1880s.
Ang printed text sini ang ginhatag sa doktor nga si Ludovic Bouland nga amo ang nag-bind sang libro gamit ang panit nga iya ginkuha halin sa bangkay sang isa ka babaye nga pasyente. Ginpahayag nga wala ini sang permiso nga kuhaon ang panit sa pasyente sa ospital kun sa diin siya nag-trabaho.
Nalakip pa didto ang sulat sang doktor sa sulod sang libro kun sa diin iya ginsiling nga ang libro nga nahanungod sa kalag sang tawo ang nagakaangay man nga butangan sang cover sang iya sang tawo.
Didto pa nakabutang sa note ang proseso kun paano sini ginpreprar ang panit para sa binding.
May ginhimo nga scientific analysis sang 2014 nga nagakumpirma nga human skin matuod ang cover sang amo nga libro!
Suno sa Houghton Library associate librarian, ang ginkakas nga panit ang natago subong sa storage sang library sa Harvard.
Magapatigayon man ang Harvard sang dugang nga research sa libro, sa doktor, kag sa babaye nga pasyente nga amo ang ginkuhaan sang panit. Nagapakig-angot man ang unibersidad sa French authorities agud nga matumod ang “final respectful disposition” sa amo nga human skin.#
