THAILAND – Magapatuman sang partial shutdown sa Bangkok ang gobyerno sang Thailand bangud sa pagtaas sang kaso sang Coronavirus Disease 2019 sa ila lugar.
Sa interview sang Bombo Radyo kay Bombo International Correspondent Cleo Rose Jondonero, direkta sa Thailand iya ginpahayag nga ipatuman ang partial shotdown subong nga adlaw.
Suno kay Jondonero, sa tion sang shotdown masarado ang mga shopping malls kag iban pa nga mga establisyemento magluwas lang sa mga food court, super market kag pharmacy.
Dugang sang natungdan, suspended ang dine in services sa mga kalan-an kag delivery lang ang mahimo magamit.
Ginpasarado naman ang mga eskwelahan kag unibersidad agud malikawan nga maglapta pa ang virus.
Nahibaluan nga sa subong may yara na sang 4,011 ka kaso sang COVID-19 sa Thailand sa diin 3,166 diri ang naka confine sa ospital, 44 na ang naka recover kag isa naman ang napatay.
