Gin-appoint ni President Ferdinand ‘Bongbong’ Marcos, Jr. si Passi City Vice Mayor Jesry Palmares bilang Undersecretary sang Department of Agrarian Reform for Foreign Assisted and Special Projects Office.
Sa inisyal nga impormasyon, magasumpa si Palmares bilang undersecretary buwas, Hulyo 8.
Si Palmares amo ang provincial chairman sang Lakas-CMD sa Iloilo, ang partido ni Vice-President Sara Duterte-Carpio.
Isa man ang bise-alkalde sa nagpanguna sa pagkampanya para kay Marcos sang nagligad nga eleksyon.
Si Palmares ang labing-una nga opisyal halin sa Western Visayas nga gin-appoint sa national office sa idalom sang Marcos Jr. Administration.
