Nagaplano ang Philippine Basketball Association (PBA) nga magpatigayon sang exhibition games kaupod sa teams halin sa Japan B.League.
Ginalantaw nga mangin parte ini sang selebrasyon sang liga sang ika-50 nga anibersaryo subong nga tuig.
Suno kay PBA Commissioner Willie Marcial, nagapadayon ang ila nga pag-istoryahanay subong para sa sini nga plano ilabi na bangud pat-od nga dugukan ini sang basketball fans.
“May plano, may talks na kami. Pero ayaw pa munang ipa-sabi ng B.League. May plano na, baka exhibition games,” suno kay Marcial.
Magluwas sa homegrown stars sa Japan, didto man nagahampang ang pila sa kilala nga Pinoy basketball players kag fan-favorites nga sanday Dwight Ramos, Kai Sotto, Ray Parks Jr., kag Kiefer Ravena.
