Nagpaguwa ang Office of the President sang P265 million agud mabuligan ang mga residente nga apektado sang lapnagon nga baha kag landslides sa Davao region.
”From the reports that we have had, I think that we are doing all right in the food— the provision of food packs, etc. But as the Secretary (Rex Gatchalian) was explaining, it gets to the point na hindi lang pagkain ang kailangan ng tao. They need to buy other things para sa kanilang household,” pahayag ni President Ferdinand ”Bongbong” Marcos Jr. kadungan sang situation briefing sa Davao City.
Sa rekord sang provincial disaster risk reduction and management offices (PDRRMOs), nagsaka na sa 21 ang numero sang patay sa amo nga rehiyon bangud sa baha kag pagkatiphag sang duta.
Suno sa Davao de Oro PDRRMO, 13 ka mga tawo ang nadulaan sang kabuhi sa amo nga probinsya — apat sa New Bataan kag Marasugan, duha sa Pantukan kag Monkayo, kag isa sa Maco.
Yari naman ang pagpahat-pahat sang cash aid:
Province of Davao del Norte – P30 million
Province of Davao Oriental – P30 million
Province of Davao de Oro – P30 million
Province of Agusan del Sur – P30 million
Province of Surigao del Sur – P25 million
Province of Maguindanao del Sur – P25 million
Davao City – P20 million
Butuan City – P20 million
Province of Davao Occidental – P20 million
Province of Agusan del Norte – P15 million
Province of Cotabato – P10 million
Province of Bukidnon – P10 million
Sa amo man nga situation briefing sa Davao, ginmandu man sang presidente nga padasigon ang pagkay-o sang mga alagyan kag ang pagpanagtag sang bulig sa apektado nga mga lugar ilabi na sa mga suludlon nga mga barangay.#
