ILOILO – Ginpabugal ni Police Regional Office 6 Director Police Brigadier General Rene Pamuspusan ang mga nangin inistyatibo sang Police Regional Office 6 nga gindayaw ni Philippine National Police Chief Police General Archie Gamboa.
Sa iya nangin mensahe kadungan sang iya pagpadulong sa probinsya sang Guimaras, iya man nga gindayaw ang nangin accomplishment sang mga kapulisan sa rehiyon 6 nga tuman man ang pagdayaw sang PNP Chief.
Suno kay Pamuspusan, tuman ang iya kasadya sang iya nahibaluan nga na-apresyar sang PNP Chief ang pagtuman sang mga kapulisan sa Police Regional Office 6 sa iya mga mandu.
Isa na diri amo ang mandu ni Gamboa may kaangtanan sa “tamang bihis” sang mga kapulisan nga ginakabig ni Pamuspusan nga isa ka madinalag-on nga programa sang kapulisan.
Nagpasalig ang natungdan, mas pasangkaron pa nila ang mga inisyatibo kag programa nga ginapatigayon sang Police Regional 6 agud makahatag sang mas maayo nga serbisyo sa mga pumuluyo.
