Maga file sang motion for reconsideration ang Panay Electric Company (PECO) sa Court of Appeals natuhoy sa pagmando sa indi nila pagpatuman sang Temporary Restraining Order (TRO) sang agud balabagan ang pag take -over sang MORE Electric and Power Corporation bilang electric power provider sa syudad sang Iloilo.
Sa interview sang Bombo Radyo Iloilo kay Mikel Afzelius, Corporate Communications and External Affairs officer sang PECO, iya ginpahayag nga gintugyan na nila sa legal team ang ila masunod nga tikang natuhoy sa nasambit nga isyu.
Sa pihak sini suno kay Afzelius, indi sila mag untat sa paghatag sang power supply sa Syudad sang Iloilo.
Suno kay Afzelius, wala sang may matabo nga ligom dulom sa Syudad sang Iloilo.
Nagakahangawa naman ang natungdan nga sa tion nga hapaw ang expropriation kag indi insakto ang pagdalagan sang isa ka bag-o nga power distribution company, magatuga ini sang negatibo nga epeko sa ekonomiya sang Syudad.
