ILOILO CITY– Hugot ang ginapatuman nga monitoring sang Philippine Coast Guard sa lakat sang panahon may kaangtanan sa pagpabyahe sang mga motorbanca nga may ruta Iloilo-Guimaras vice versa.
Sa interview sang Bombo Radyo kay Deputy Station Commander senior chief petty officer Albino Rodriguez sang Philippine Coast Guard Iloilo, iya ginpahayag nga ginapa-untat nila ang byahe sang mga motorbanca sa tion nga magbaskog ang hangin kag magtaas ukon magdako ang balod.
Suno kay Rodriguez ang pagpabyahe sa nasambit nga mga sakayan ang ila lang ginapahanugutan sa tion nga may yara sang maayo nga tyempo.
Nagakadapat nga 7 tubtob 10 knots lang ang kabaskugon sang hangin kag 5 meters lang ang kataasun sang balod.
Wala man sang may ginbag-o suno kay Rodriguez sa patakaran nga ginapatuman kaangay sang pagsuksok sang life jacket, naka roll up ang trapal sang sakayan, 75% lang dapat ang igacater nga mga pasahero kag fairweather ang pagbyahe.
Ginapauntat nila suno sa natungdan ang byahe sa tion nga may yara sang mamonitor nga paglain sang tyempo.
