ILOILO CITY – Nagpanugyan ang Philippine Institute of Volcanology and Seismology sa mga residente sa sulod sang 7 tubtob 8-kilometer extended danger zone sang Mayon Volcano nga maghanda na para sa posible nga evacuation.
Suno kay Mayon Volcano Observatory resident volcanologist Dr. Paul Alanis, na-monitor ang pyroclastic density current sa Basud Gully sang bulkan, nga naga-atubang sa nabagatnan kag nabagatnan-nasidlangan nga quadrants sang bulkan.
Ang nasambit nga mga quadrants ang nagasakup sa lugar sang Legazpi City kag Daraga, kag Santo Domingo sa Albay.
As of 6 p.m., na-record ang 256 rockfall events, isa ka pyroclastic density current, kag duha ka volcanic quakes sa Mayon.
