Ginpaathag ni Senator Pia Cayetano nga nagkadto siya sa Singapore agud nga suportahan ang Philippine Padel National Team para sa APPT Grand Slam.
Ginpakita man niya sa live video ang mga myembro sang team.
Suno pa kay Cayetano, madugay na naka-schedule ang iya byahe.
“Balita ko, dami naghahanap sa akin ah? Masaya lang na dami palang nakaka-miss sa akin, ano? Daming nag-aabalang gawing news kung nasaan ako, samantalang, dami-daming ganap sa Pilipinas,” suno sa senadora.
Gintawag sini nga malisyoso ang mga nagbalita sa iya paglakat, bangud suno sa iya, wala man siya sang ginapanaguan.
“Eh, pati ba naman kung saan ako pumunta, eh, newsworthy na pala? Pero yung mga malisyoso kasi eh, gusto nilang gawin news na hindi naman kailangan maging news. Ano ba? Daming nagtatanong kung saan daw ako. Para namang nakikipagtaguan ako. Hindi po ako nakikipagtaguan. Wala ho akong tinataguan. Wala akong reason na magtago,” suno pa sa senadora.
Matandaan nga sang Myerkules sang gab-i, nakuhaan sang pictures si Senator Pia kag Senator Alan Peter Cayetano nga nagguwa sa Pilipinas.
“Yung mga gumagawa ng mga kwento, tingin niyo ho ba, tama yun? Na gagawan ng kwento ang isang katulad ko na naninilbihan lang naman at nagtatrabaho?,” dugang sang senadora.
Una na nga ginpaathag ni Senate President Sherwin “Win” Gatchalian nga indi kinahanglan maglisensya sa Senado ang mga senador kon personal lamang ang ila pagbiyahe sa luwas sang pungsod.
Una naman nagguwa nga “health reasons” ang rason sa pagbyahe ni Senator Alan.
Nahibaluan nga gin-link si Senator Alan sa kontrobersiya kaangot sa pagtukod sang cauldron ukon “kaldero” nga gin-gamit sa 2019 Southeast Asian Games.
Ang National Bureau of Investigation ukon NBI amo ang nagapanguna sa imbestigasyon sa sini nga isyu, kag suno kay NBI Director Melvin Matibag, malapit na sila nga makapapasaka sang mga kaso.
Nagahimo man ang Ombudsman sang fact-finding investigation sa mga dokumento kag iban pa nga ebidensya nga ginsumiter ni Senador Panfilo Lacson may kaangtanan sa reclamation project sang Taguig City sa isa ka bahin sang Laguna Lake.#
