ILOILO – Nagpabutyag sang pagkadismaya ang pila ka mga konsehal matapos nga wala sila gintamyaw sang mga program emcees kadungan sang ginpatigayon nga highlight program sang Dinagyang Festival 2020.
Sa interview sang Bombo Radyo kay Kgwd Lyndon Acap, kun tani gin tamyaw man lang sila nga yara sa Iloilo Freedom Grandstand sang ginpatigayon ang Dinagyang 2020 360 degrees performance.
Suno kay Acap, kadamo sang dull moments ang programa kag madamo man sang mga adlibs ang mga emcee bangud man sa delay nga pag abot sang pila ka tribu.
Apang sa pihak sini wala gid sila gintamyaw man lang ang presensya sang mga konsehal.
Dugang sang natungdan, mahimo man nga mahatagan sang second chance ang Iloilo Festivals Foundation Inc. bangud na intindihan niya nga ini ang ika labing una nga nagkapot sila sang dako nga events.
