ILOILO – Nagapabilin nga kalmado kag matawhay ang sitwasyon sa Kuwait apisar sang pagsaka sang tensyon sa tunga sang Iran kag Estados Unidos.
Sa interview sang Bombo Radyo kay Gilda Songcuya, isa ka Overseas Filipino Worker sa Kuwait iya ginpahayag nga kampante ang sila nga mga Pilipino bangud bantay sarado man sang militar sang Estados Unidos ang boarder sang Iraq kag Kuwait.
Suno kay Songcuya, maluwas sa pagban sa ila bangud sa nangin kaso ni Demafelis wala na sila sang iban pa nga ginakabalak an.
Dugang sang natungdan, sa 12 ka tuig niya nga pag istar sa Kuwait wala pa siya naka eksperyensya sang kinagamo sa diin naulamid ang nasambit nga lugar sa gamo sang Iraq ukon iban pa nga kaiping nga syudad.
Samtang suno naman kay Joven Torres, Overseas Filipino Worker man sa Kuwait daw kaangay lang nga normal ang adlaw nila bangud wala sila sang nabatyagan nga tensyon.
Dugang sang natungdan, wala man nila nabatyagan ang kahadlok kag pag panic sa ila mismo nga mga amo.
Santo sa pahayag ni Torres, kun wala lang sang mapintas nga mga amo madamo gid sa mga Pilipino ang luyag mag trabaho kag mag tinir sa Middle East ilabi na sa Kuwait.
Dugang pa, kun indi lang padayon nga magsaka ang tensyon kun siya ang pamangkuton luyag niya nga mag tinir kag magtrabaho sa Kuwait apisar sa pila ka problema nila sa swelduhanay
