Ginalauman nga magabakal sang dugang pa nga suplay sang karne sang baboy kag manok ang gobyerno gikan sa global market kadungan sang pagtuhaw sang African Swine Fever sa pungsod nga nakaapekto sa local production kag supply sang karne.
Base sa pinakabag-o nga monthly report sang United States Department of Agriculture Foreign Agricultural Service naka import na sang 280,000 metriko tonelado sang karne sang baboy ang Pilipinas subong lang nga tuig nga mas mataas sang 26% kun ipaanggid sang tinalikdan nga tuig.
Suno naman sa Department of Agriculture, nagdangat na sa 251,450 ka mga baboy sa Pilipinas ang nagkalamatay humalin sang nagsugod ang outbreak sang Agosto 2019.
Dugangan man sang Pilipinas ang gina import nga karne sang manok sang 1% ukon 370,000 metriko tonelada.
