Gin-anunsyo ni President Ferdinand “Bongbong” Marcos Jr. nga magapatigayon sang una nga rocket launch test ang Pilipinas sa Cagayan sa masunod nga tuig kaupod sa isa ka South Korean aerospace company.
“Cagayan is both geographically and economically primed to serve as our gateway to space and host the country’s first spaceport,” suno sa presidente sa iya nga State of the Nation Address (SONA).
“A sounding rocket launch test is slated for next year. Yes, we are going to launch a rocket into space,” suno sa anunsyo sang president.
Pahayag pa sini, kabahin ini sang tikang sang gobyerno agud mapauswag ang industriya sang space technology sa pungsod.
Dugang pa niya, may daku nga potensyal ang probinsya nga mangin sentro sang mga industriya nga may kaangtanan sa space.
Sandig sa National Aeronautics and Space Administration, ang sounding rockets amo ang magagmay nga research vehicles nga gindesinyo agud maglunsar sang experiments kag magtuon sang atmospheric conditions sa short-duration flight padulong sa edge sang space.
