ILOILO CITY- Tuman ka gamay sang numero sang mga oncologists agud mag-atender sa mga pasyente nga may cancer sa Pilipinas.
Ini ang ginpahayag ni University of the Philippines-Philippine General Hospital Medical Oncology fellow Dr. Kenneth Samala nga ginmungkahi ang pag-develop sang mas madamo nga cancer experts.
Suno kay Samala, ang numero sang oncologists sa pungsod ang yara lang sa 300.
Pahayag niya, kinahanglan ang pagdevelop sang dugang nga cancer experts kag magkuha sang mga trainees nga matapos gin- train, magabalik sa ila komunidad agud magserbisyo.
Dugang niya, may yara man sang mga local government units kag municipalities nga pabor diri kaag nagapadala sang ila scholars sa amo nga institution kag ila ginahanas.
Suno naman kay Philippine Foundation for Breast Care Inc. vice president Aileen Antolin,apisar nga dako ang pagkinahanglan para sa mgaa experts kaangay sang oncologists kag pathologists nga magaatender sa mga cancer patients, apang sa masami, ginagamit ang pondo para sa pagpatukod sang mga imprastraktura kag pagbakal sang mga makina apang kulang sang mga eksperto nga magagamit sang pasilidad kag mga equipment.
