Gindala sang Pilipinas ang walo ka mga medalya — lakip na ang duha ka gold — sa bag-o lang nagtakop nga 2022 Extreme Euro Open nga ginpatigayon sa Hodonice, Czech Republic.
Gold medalist ang 2017 junior world shoot champion nga si Kahlil Adrian Viray sa standard division matapos nakakuha sang 2649 match points.
Ginpierde sini si Josef Rakusan nga amo ang 2018 European champion, amo man ang Latin American champion nga si Gaston Vallerga.
Nakadaog man sang bulawan nga medalya si Alfredo Catalan Jr. matapos nga gin-dominar ang classic division nga may 2481 match points.
May yara sang 1,032 participants sa amo nga event nagikan sa 52 ka mga pungsod.
