Naka record sang pinakamataas nga numero sang mga pasyente nga nakarecover sa Coronavirus Disease 2019 ang Pilipinas sa sulod lang sang isa ka adlaw.
Ini matapos nga madugangan ini sang 112 ka new recoveries kag may yara na sang 1,618 nga kabilugan nga numero sang nakareover sa nasambit nga balatian.
Sa pihak sini nakarecord man ang Department of Health sang 339 pa ka bag-o nga infections sa diin nagdangat na sa 10,343 ang kabilugan nga numero.
Sa nasambit nga numero, 205 ukon 61% diri ang gikan sa Region VII, 110 ukon 32% ang gikan sa Metro Manila kag 24 naman ang gikan sa luwas sang pungsod.
Suno kay Department of Health Undersecretary Maria Rosario Vergeire, ang pagtaas sang kaso sang COVID-19 ang resulta sang padayon nga pagpasangkad sang testing capacity sang pungsod.
Nahibaluan nga sa subong may yara na sang 23 ka COVID-19 testing centers sa Pilipinas samtang 84 naman ang padayon pa nga ginapaidalom sa laboratory accreditation process.
