Gin-ako ni Senator Panfilo “Ping” Lacson nga isa siya sa wala nagpangamusta kay Senator Pia Cayetano kasunod sang shooting sa Senado sang Miyerkules sang gab-i, Mayo 13.
“Nangamusta naman sila… ‘Are you safe?’ ‘Are you okay?’ So hindi siguro nabasa ni Senator Pia ’yun,” suno kay Lacson.
Pahayag sini, sang nag-ilis pa lang sang liderato sa 20th Congress, nag-leave na siya kag nag-delete sang group chat.
“Isa ako sa hindi nangumusta. In the first place, nu’ng nagpalit ng liderato sa Senado, nag-leave and delete na ako doon sa 20th Congress na chat group,” suno pa sa senador.
Kaangot ini sa mga development sa Senado sang Myerkules sang hapon, Mayo 20, kun sa diin naghilibion si Cayetano kag gin-updan pa ni Senate President Pro Tempore Loren Legarda samtang nga nagapautwas sang kalain sang buot nga wala gid sila ginkamusta sang minority senators.
“Pagtingin ko ng dating majority group, wala ni isa sa inyong nangumusta sa amin. Some of you I’ve known for 20, 10 years. I didn’t even hear any of you say, ‘kamusta na kayo dyan?’” suno kay Cayetano.
“Napakasakit noon sa akin. Sobrang sakit! I am very ready to share my story. Kung wala kayo dito, huwag niyo kwestyunin yung mga nangyari! Dahil nandito kami! You have your own story, I respect that, but please respect my own story!” dugang sini.
Si Cayetano kag Lacson ang updanay anay sa majority sa idalom ni former Senate President Tito Sotto antes naghalin sang alyansa si Cayetano kag ginsuportahan ang kudeta agud ma-eleher ang iya utod nga si Alan Peter Cayetano bilang bag-o nga Senate leader.
