Nagmandu si Gen. Rodolfo Azurin, Jr., chief sang Philippine National Police (PNP), sa tanan nga police commanders nga mag-conduct sang threat assessment sa tanan nga elected kag appointed officials sa ila tagsa ka area of responsibility.
Kasunod ini sang natabo nga ambush sa service road sang Roxas Boulevard sa Pasay City sang Myerkules sang gab-i kun sa diin pilason ang alkalde sang Datu Montawal, Maguindanao del Sur nga si Ohto Caumbo Montawal.
Ini na ang ikatatlo nga atake sa mga opisyal subong nga bulan sang Pebrero.
Sang Pebrero 17, matandaan nga may ambush man sa boundary sang Lanao del Sur kag Bukidnon kun sa diin pilason si Lanao del Sur Gov. Mamintal Adiong Jr. kag patay ang iya apat ka security officers.
Ginsundan ini sang ambush sa Nueva Vizcaya kun sa diin patay si Aparri, Cagayan Vice Mayor Rommel Alameda kag ang lima pa ka kaupdanan.
“My marching order is to start conducting threat assessments on all elected as well as appointed public officials in their respective areas so that we would know the current state of their security,” suno sa PNP chief. ##
