ILOILO CITY – Ginpanginwala sang Southern Police District nga nalakip si anay Presidente Rodrigo Duterte sa 160 nga persons of interest sa kamatayon sang broadcaster nga si Percy Lapid.
Suno kay Southern Police District director Police Brigadier General John Kirby Kraft, wala nalakip si Duterte sa persons of interest base sa pag-review sang mga imbestigador sa madamo nga postings sa diin ginkomentaryuhan ni Lapid ang pila ka mga personalidad lakip na ang mga politiko, military kag police officials.
Una na nga ginpahayag sang utod ni Lapid nga si Roy Mabasa nga kun bala, nalakip man ang pangalan ni Duterte sa listahan nga base sa pag-review sang kapulisan sa mga posts sang beterano nga broadcast.
Ini bangud nga madamo sang gintalakay si Lapid.
Kun 160 ka mga posts ang gin-review sang kapulisan agud nga basehan sang person of interest, pat-ud nga madala ang pangalan ni Duterte bangud masami man niya ini nga gina-mention.
Bukas naman ang pamilya Mabasa sa tanan nga mga posibilidad.
Samtang, ginpahayag naman ni Justice Secretary Jesus Crispin Remulla nga ang paglakip sa pangalan sang anay presidente sa mga persons of interest ang malayo nga matabo kag pinulitika gid lamang.
