Nagapati ang Philippine National Police nga mangin madinalag-on ang war on drugs sang kapulisan, sa pihak sang kontrobersiya nga ginkaulamiran sang 13 ka mga pulis kag ni anay PNP Chief Oscar Albayalde kun sa diin gina alegar naka benepisyo sa pag recycle sang ilegal nga droga.
Suno kay P/Lt. Gen. Archie Gamboa, Officer In Charge sang Philippine National Police dako ang nangin epekto sang kontrobersiya sang ninja cops sa kapulisan.
Sa pihak sini nagapati si Gamboa nga indi ma apektuhan sang nasambit nga kontrobersiya ang nagapadayon nga kampanya sang kapulisan batok sa ilegal nga droga.
Nagpasalig si Gamboa nga maka rekober ang PNP sa nasambit nga kontrobersiya kag magapadayon ang kampanya nila batok sa ilegal nga droga.
Samtang nagpasigurado man ang natungdan nga mangin 100% graft free and ginapatigayon nga imbestigasyon sa kontrobersiya sang “ninja cops”
