ILOILO – Nagdugang sang pwersa ang Philippine National Police (PNP) sa 5th District sa probinsya sang Iloilo pila ka adlaw antes ang May 13 midterm elections.
Suno kay Iloilo Police Provincial Office (IPPO) Director Police Col. Marlon Tayaba, mas ginpabaskog ang police deployment sa banwa sang Lemery, Sara, Estancia, Carles kag San Dionisio.
Suno sa IPPO Director, may yara sang intense political rivalry kag history sang election-related incidents sa nasambit nga mga banwa nga ginakabig ‘areas of concern.’
Dugang pa ni Tayaba, regular ang ginapatigayon nga checkpoints ilabi na sa Sara-Concepcion junction.
Suno pa sa iya, ang nasambit nga lihok ang para mapat-ud nga malikawan ang padanak sang dugo sa nasambit nga mga banwa samtang nagahilapit ang eleksyon.
