Suportado sang Philippine National Police ang plano ni Presidente Rodrigo Duterte nga pagduso sa pagbuhi sang silot nga death penalty sa mga durugista kag plunderers.
Sa interview sang Bombo Radyo Iloilo kay Police Regional Office 6 Director Brigadier General Rene Pamuspusan, iya ginpahayag nga prayoridad indi lang sang administrasyon kundi sangPolice Regional Office 6 ang pagbato sa iligal nga druga.
Suno kay Pamuspusan, kun ini ang makatapna sa problema sa iligal nga druga, mas maayo nga ipatuman ini sa pungsod.
Samtang nagpasalig naman ang natungdan nga mas paayuhon sang kapulisan ang pagpatigayon sang imbestigasyon agud madakop ang matuod nga mga kriminal agud wala sang inosente nga mabiktima ilabi na sa tion nga ipatuman na gid man ang death penalty.
