ILOILO CITY – Wala sang ihibalo si Iloilo City Police Office (ICPO) Director Pol. Col. Martin Defensor Jr. sa rason sang pag-relieve kay Police Major Marlon Valencia, hepe sang Mandurriao Police Station.
Ini matapos nga nangin epektibo ang relief order ni Valencia sang Mayo 20, 2019 kag gin-assign sa Negros Occidental Police Provincial Office kag pagabuslan ni Police Captain Kenneth Jay Gratones sang Regional Holding and Accounting Unit (RPHAU).
Sa interview sang Bombo Radyo kay Defensor, iya ginpahayag nga ang nasambit nga mandu ang halin kay Police Regional Office (PRO) 6 director Police Brigadier General John Bulalacao kag ginderetso hatag kay Valencia.
Ginpahayag ni Defensor nga bilang ICPO Director, siya ang labing una nga makahibalo nga may yara sang gin-relieve sa mga Chief of Police sa syudad sang Iloilo apang ang natabo mahimo man man ilabi na kun ang PRO-6 Director mismo ang nakakita sang rason nga dapat i-relieve ang isa ka pulis.
Sa pihak sini, ginpahayag sang ICPO Director nga kun siya lang ang pamangkuton, maayo ang performance ni Valencia bilang hepe bangud sa iya madamu nga accomplishment.
Samtang, gin-athag naman ni Police Major Marlon Valencia nga magapabilin siya bilang hepe sang Mandurriao Police Station.
Sa exclusive interview sang Bombo Radyo kay Valencia, iya ginpahayag nga nakabaton siya sang tawag gikan sa administrative staff sang ICPO nga kanselado na ang iya relief order.
Sa pagkahibalo ni Valencia, may yara na sang written order apang wala pa niya ini nabaton.
Sa subong suno sa hepe, magapabilin siya sa Mandurriao Police Station kag nagadepende na sa PRO 6 kun dayunon ang relief order ukon indi.
Yari ang pahayag ni ICPO Director Police Col. Martin Defensor Jr.:
Samtang, yari naman ang pahayag ni Police Major Marlon Valencia:
