ILOILO – Nagapati ang Executive Director sang Institute for Political and Electoral Reform kag Political Analyst nga si Ramon Casiple nga kasubong nga pagpatalang lang ang ginakaulamiran nga kontrobersiya sang pila ka mga pulitiko sa pungsod agud matabunan ang ginapangatubang nga krisis.
Nahibalu-an nga isa sa mainit nga isyu amo ang imbestigasyon ni Presidential Anti-Corruption Commission Commissioner Manuelito Luna batok kay Vice President Leni Robredo bangud sa ginapahayag pagpakig-kompetensya sa national government.
Sa interview sang Bombo Radyo kay Casiple, iya ginpahayag nga personal lang nga opinyon ni Luna ang pagpatigayon sang imbestigasyon kay Robredo kag wala diri sang labot ang bug-os nga hanay sang Presidential Anti-Corruption Commission.
Suno kay Casiple, ang pagpahalin kay Luna sa serbisyo ang isa sa pinakamaayo na desisyon ni Presidente Rodrigo Duterte.
Magluwas diri, wala man sa lugar suno kay Casiple ang pagpatawag sang National Bureau of Investigation kay Pasig City Mayor Vico Sotto bangud sa Abril 8 pa mangin epektibo ang Bayanihan To Heal As One Act nga ginapahayag ginlapas sang alkalde.
Santo sa pahayag ni Casiple, kooperasyon kag pag-ugyon ang kinahanglan subong agud matapos na ang krisis sa pungsod.
