ILOILO– May yara sang natigana nga pondo ang Solid Waste Management Division sang Department of Environment and Natural Resources – Environmental Management Bureau 6 tuhoy sa pagpatuman sang Material Recovery Facility.
Sa interview sang Bombo Radyo kay Mr. Vicente Losbañes, pinuno sang Solid Waste Management Division sang DENR-EMB 6, iya ginpahayag nga naglab-ot sa P29 million angpondo para sa Material Recovery Facility kag hatagan sang P600,000 ang mga barangay para sa pagpatukod sini.
Sa pihak sini, gin-athag ni Losbañes nga indi tanan nga barangay sa Western Visayas ang makabaton sang pondo bangud pili-on lang ang pagahatagan.
Ginpahayag ni Losbañes nga 50sq meters ang kadakuon sang Material Recovery Facility apang mas makapaayo kun mas malapad ini sa gintalana nga size.
Magapangatubang sang nagakaigo nga silot ang tagsa ka Local Government Unit nga wala nagasunod sa nasambit nga pagsulundan.
