Pope Francis nagpanawagan sa kabataan nga magbulig sa mga biktima sang COVID pandemic sa iya homily kadungan sang iya Palm Sunday Mass sa Vatican

Nagpanugyan si Pope Francis sa mga kabataan nga indi magkahadlok kag indi magpangduha-duha nga magbulig subong nga tion sang Coronavirus pandemic.

Ini ang kabahin sang iya nga nangin mensahe sa pagsaulog sang Palm Sunday ukon Dominggo de Ramos sa St. Peter’s Basilica nga gintambungan sang mga pari, mga madre kag pila ka choir members.

Dugang pa sang Santo Papa, nagakadapat man nga hatagan sang pasidungog ang mga frontliners ilabi na ang mga healthcare workers nga amo ang nagapakigbato sa COVID-19.