Nag-abiso ang MORE Electric and Power Corporation (MORE Power) nga may ma-eksperyensyahan nga power interruption sa pila ka bahin sang syudad sang Iloilo sa Domingo, Hunyo 19.
Sa interview sang Bombo Radyo kay Joy Fantilaga, spokesperson sang MORE Power, iya ginpahayag nga may kaangtanan ini sa patigayunon nga line maintenance works sa Iloilo City Proper halin las 5:00 sa kaagahon tubtub la 1:00 sa hapon.
Halin las 5:00 sa kaagahon tubtub la 1:00 sa hapon, may power interruption sa porsyon sang City Proper Feeder 1 nga ginalakipan sang mga masunod nga mga lugar: bilog nga Maria Clara, Ortiz, Gen. Hughes, Sto. Rosario Duran, Rima Rizal, Rizal Ibarra, Rizal Pala Pala II, Veterans Village, Zamora-Melliza, Legaspi Dela Rama, Concepcion Montes, kag Monica-Blumentrit.
Sa amo man nga oras, may power interruption sa porsyon sang Muelle Loney-Montes, Flores, Osmeña, kag Nonoy.
May dies minutos man nga power interruption sa bilog nga City Proper Feeder 1 halin las 5:00 sa kaagahon tubtub las 5:10 sa kaagahon kag 12:50 sa udto tubtub la 1:00 sa hapon samtang ginapatigayon ang isolation kag restoration.
