Ginmanduan ni Presidente Rodrigo Duterte ang Department of the Interior and Local Government (DILG) kag Department of Social Welfare and Development (DSWD) nga sila ang magahatag sang cash aid sa mga pumuluyo matapos ginkuhaan sang presidente sang gahom ang isa ka local government unit nga mangdistribute sang ayuda.
Wala naman ginpangalanan pa ni Duterte ang nasambit nga LGU.
Suno sa Presidente, ang ginatumod niya nga LGU amo ang indi kabalo kag indi organisado maghatag sang cash aid.
Pahayag niya, ang planado kag preparado nga distribusyon sang ayuda ang makalikaw kuntani sang overcrowding.
