Nagpaandam si Presidente Rodrigo Duterte nga magapatuman sya sang Martial Law sa tion nga madamo sa gihapon ang nagalapas sa mga pagsulundan sa enhanced community quarantine sa Luzon.
Bangud diri ginmanduan niya ang mga militar kag kapulisan nga mangin handa sa pagpanguna sang lockdown measures.
Suno kay Presidente Duterte, sa tion nga may yara pa sang madakpan nga nagalapas sa mga pagsulundan ang militar na ang magahulag agud hatagan sila sang nagakaigo nga silot.
Dugang sang nangtungdan, mangin kaangay naman sang martial law ang iya ipatuman kun magapadayon pa ang paglapas sa mga pagsulundan nga iya ginapatuman.
Santo sa pahayag sang presidente, sya mismo ang indi na makahulat nga matapos na ang krisis nga ginapangatubang sang pungsod bangud luyag na niya makapauli sa Davao apang kinahanglan pa sang mas malawig nga pasensya kag disiplina agud matapos na ang pandemic.
Nanawagan man ang presidente sa mga Local Goverment Units nga sundon ang mga pagsulundan nga ginahatag sang gobyerno kag hugot nga ipatuman ini sa ila mga lugar.
