Wala sang plano si Presidente Rodrigo Duterte nga ipauntat ang operasyon sang Philippine offshore gaming operators sa pungsod.
Ini sa pihak sang ginapahayag pagka-ulamid nila sa money laundering schemes.
Suno kay Presidential Spokesperson Salvador Panelo, mahimo nga magamit ang kita sang gobyerno nagikan sa Philippine offshore gaming operations bilang pondo sa mga ginapatigayon nga tikang batok sa COVID-19 sa pungsod.
Dugang sang natungdan, satisfied man si Presidente Duterte sa report sang Philippine Amusement and Gaming Corporation sa mga kita nga nakuha nagikan sa Philippine offshore gaming operations.
Madumduman nga una na nga ginpahayag sang Philippine offshore gaming operations nga nagdangat sa P8 bilyon ang ila nga kita humalin sang ginpatuman ang regulatory fees sa duha ka porsiyento sang gross gaming revenues sang Philippine offshore gaming operations.
Nahibaluan nga humalin pa sang 2017 sang ginsugudan sang Philippine Amusement and Gaming Corporation ang pag-regulate sa POGO sa diin nagdangat sa P8 bilyon ang ila nga kita tubtob subong.
Apang suno naman sa Anti-Money Laundering Council, makatilingala ang P14 bilyon nga balor sang transaksyon sang POGO.
