ILOILO CITY – Ginpabulig ni President Ferdinand Marcos, Jr. nga nangin produktibo ang iya state visit sa China.
Sa iya latest vlog, ginpakigbahin ni Marcos ang pag-upod niya sa iya iloy nga si anay First Lady Imelda Marcos sa Beijing sang 1974.
Halos indi makapati sa gihapon ang presidente apisar nga 50 na ka tuig ang nakaligad kun sa diin, nakita niya si Chairman Mao Zedong.
Apisar nga indi kabahin sang Association of Southeast Asian Nation ang China, makabig ini sa gihapon ni Marcos nga importante nga kaingod sa Asya.
Sa state visit, ginhambalan sang presidente kag sang counterpart sini nga si Chinese President Xi Jinping ang pila ka mga importante nga mga issues.
14 ka mga memorandum of agreements ang natigayon nga na-produce sa tunga sang duha ka mga pungsod.
Suno sa presidente, ini ang maga-benepisyo sa Pilipinas sa nagkalain-lain nga sectors nagikan sa trade padulong sa agriculture, labor and employment kag madamo pa.
Gintumod man niya ang pila ka mga agreements upod sa Beijing.
Ini ang ginalakipan sang COVID-19 and disaster assistance, public-private partnerships kag dugang nga assistance para sa Philippine agriculture sector.
Ang state visit ni Marcos sa China ang ginpatigayon sang Enero 3-5 subong nga tuig.
