ILOILO CITY – Nagalaum si President Ferdinand “Bongbong” Marcos Jr. nga ang food stamp program ang sa dalayon, magatapos sa Pantawid Pamilyang Pilipino Program (4Ps).
Suno kay Marcos, sa tion nga masarangan na sang pungsod ang pag-untat sang Pantawid Pamilyang Pilipino Program, wala na sang tawo nga nagakinahanglan.
Manami suno sa iya kung malab-ot ini sang Pilipinas apang kun kaisa, kinahanglan sa gihapon sang gobyerno nga maghatag sang bulig sang tawo ilabi na kun may yara sang bagyo kag kun ano pa nga kalamidad.
Dugang pa niya, ang conditional cash transfer program ang “pantawid” lamang gani kun indi na ini kinahanglan, may trabaho na ang mga tawo kag masarangan na nila bisan ang magpakaon na lamang sang ila pamilya.
Una na nga ginpahayag ni Marcos nga ang paghagan-hagan sa kapigaduhon amo ang “ultimate goal” sang iya administrasyon sa katapusan sang 2028.
Ang Department of Social Welfare and Development ang nagpatigayon na sang pilot testing sang food stamp program sa 50 ka mga food-poor families lakip na ang mga nagabusong kag nagapasuso sa Manila.
Katuyuan sang nasambit nga programa nga makahatag sang electronic benefit transfers nga may food credits nga nagabalor sang P3,000 agud nga magbakal sang pili nga listahan sang food commodities nagikan sa mga agency accredited local retailers.
