Nagdeklara sang unilateral ceasefire si Presidente Rodrigo Duterte sa mga rebelde bangud sa ginpatuman nga Enhanced Community Quarantine sa bilog nga Luzon.
Suno kay Presidential Spokesperson Salvador Panelo, mangin epektibo ang ceasfire sa tunga sang pwersa sang gobyerno kag Communist Party of the Philippines- New People’s Army- kag National Democratic Front tungang gab-i sang Marso 19 kag maga dugay tubtob sa tungang gab-i sang Abril 15, 2020.
Dugang sang natungdan, ginmanduan na ni Presidente Duterte ang Department of National Defense kag Department of the Interior and Local Government lakip man ang Armed Forces of the Philippines kag Philippine National Police nga temporaryo nga untaton ang ila mga military kag police operations sa tunga sang ceasefire period.
Nagalaum ang Malacañang nga paagi sa ceasefire, mas mapadasig kag indi ma delay ang paghatag sang public health assistance sa komunidad.
