ILOILO CITY – Nagalaum ang industry sources nga maganubo sa P85 ang suggested retail price sa kada kilo sang kalamay kadungan sang pagsugod na abot sang imports sa idalom sang Sugar Order No. 2
Magluwas sa gin-import, nagsugod naman ang local production sang local millers.
Ang nabilin nga imported sugar ang ginalauman nga maga-abot sa Nobyembre 15.
Suno kay Department of Agriculture Assistant Secretary Kristine Evangelista, ang ginalantaw amo ang landed cost kag may yara na sang local sugar.
Ginpahayag sang industry sources nga posible nga mangin P85 ang presyo sang kada kilo sang kalamay bangud ang balor sang local sugar ang yara sa P65 nga mas mataas kun ikumpara sang nagligad nga tuig.
Subong nga semana, ipagwa na ang pinal nga presyo nga equitable indi lang sa importers kundi mangin sa mga kunsumidor.
