ILOILO – Wala sang pagtaas sa presyo sang mga balaklon sa pila ka bahin sang Iloilo kadungan sang paglaslas sang Bagyo Ursula.
Sa interview sang Bombo Radyo kay Department of Trade and Industry Regional Director Rebecca Rascon, iya ginpahayag nga nagpadulong ang duha ka team sang ahensya agud nga i-monitor ang presyo sang mga balaklon sa diin una nga ginpadulongan ang banwa sang Batad kag Balasan, Iloilo nga tuman nga naapektuhan sang bagyo.
Suno kay Rascon, sa tion nga mag deklara sang state of calamity ang isa ka lugar, nagakadapat nga wala sang paghulag ang presyo.
Dugang pa sang natungdan, sa tion nga may makit-an ang ahensya nga nagpatuman sang pagtaas sang presyo sa mga nasambit nga lugar, may nagakaigo ini nga penalidad nga pagaatubangon.
