ILOILO – Magataas ang presyo sang mga Noche Buena items kadungan sang pagsulod sang Holiday Season.
Sa interview sang Bombo Radyo kay Rebeca Rascon, Regional Director sang Department of Trade and Industry iya ginpahayag nga may yara sang pagtaas sa pila ka mga brand sang Noche Buena items sa palaabuton nga Holiday apang indi ini tuman kadako bangud wala ini nakalab-ot sa 10%.
Suno kay Rascon ang pila ka mga produkto nga may pagtaas sa presyo amo ang Fruit Cocktail, Cheese, Ham kag Macaroni.
Dugang sang natungdan, naglab-ot sa 14.25-17.25% ang gintaas sang mga produkto kaangay sang cocktail kag cheese apang may iban naman nga brand sang nasambit nga produkto ang wala nakapataas sang presyo gani nagpanugyan ang DTI nga kun magbakal sang pang Noche Buena sa palaabuton nga paskwa mas maayo kun pilion ang mga produkto nga indi mabug-at sa aton nga bulsa.
