ILOILO – Ginarespeto sang Police Regional Office 6 sa desisyon sang Iloilo CIty Police natuhoy sa boluntaryo nga pagpasurrender sang mga sigarilyo nga dala sang mga tumalan aw sang Dinagyang 2020.
Sa interview sang Bombo Radyo kay Police Brigadier General Rene Pamuspusan, direktor sang Police Regional Office 6 iya ginpahayag nga gina respeto kag may salig siya sa desisyon ni Pol Col Martin Defensor bilang direkot sang Iloilo City Police Office bangud siya mismo ang nakahibalo kun ano maayo para sa iya nga area of responsibility.
Suno kay Pamuspusan sila sa Police Regional Office 6 ang magasuporta lang kun anuman nga lihok ang ila nga patigayunon apang sa tion nga may makita sila nga ilegalidad gilayon sila nga maga responde.
Madumduman ginkumpirma ni Pol Cap Shiela Mae Sangrines, tagpamaba sang Iloilo City Police Office (ICPO) nga wala na sang confiscation nga matabo sa sigarilyo nga makit-an sang kapulisan nga ginauyatan apisar wala ginasindihan sang sang sin-o man nga magapadulong sa mga judging areas kag mga activity centers sa Dinagyang Festival 2020.
