ILOILO – Nagapati si Police Regional Office 6 Regional Director Police Brigadier Gen. Rene Pamuspusan nga ginbase lang ni Bacolod City Police Office director Police Lt. Col. Jovie Espenido ang iya deklarasyon nga ang Bacolod City ang ‘shabulized city’ sa balor sang mga droga nga nakuha sa ginpatigayon nga operasyon.
Sa interview sang Bombo Radyo kay Pamuspusan, iya ginpahayag nga nagpatigayon na sila sang oversight committee meeting kaupod ang Provincial Deputy Director for Operations kag Deputy City Directior for Operations sang Negros Occidental kag Bacolod City.
Suno kay Pamuspusan, sa nasambit nga pagsinapol, gindayaw ang nangin kampanya sang tagsa-tagsa batok sa ilegal nga droga.
Gintahod naman ni Pamuspusan ang nangin termino ni Espindido nga ‘shabulized’ ang Bacolod City.
