Nangin madilag-on gid para sa Police Regional Office 6 (PRO6) ang Setyembre 6, matapos ang mga ini nga nakaaresto sang 21 ka mga indibidwal sa sulod lamang sang isa ka adlaw.
Lakip sa nasambit nga numero ang 18 ka wanted persons kun sa diin kabahin ang No. 9 Regional-level wanted person sa kaso nga Murder, No. 10 Regional-level wanted person sa kaso nga Rape, kag No. 9 Provincial-level wanted person para sa Qualified Rape of a Minor.
Arestado man ang lima ka Top Most Wanted person sa municipal level kun sa diin nalakip man diri ang tatlo ka wanted person sa kaso nga pagpanghimulos sa Dumangas, kag duha naman sa banwa sang Barotac Nuevo.
Suno kay PRO6 Regional Director PBGen Randulf T. Tuaño, magapadayun ang pagtutok sang PRO6 sa mga indibdiwal nga may salabtun sa layi, samtang ginapasiguro man sang mga kapulisan ang patas kag maayo nga proseso sa mga kaso.
 ang Setyembre 6, matapos ang mga ini nga nakaaresto sang 21 ka mga indibidwal sa sulod lamang sang isa ka adlaw.){kind=link}