π ππ¬ ‘π£π₯π’πππππ πππ¨π¦π’ πππ¨π π-ππ π£ππππ π¦π π©π£ π¦ππ₯π ππ¨π§ππ₯π§π.
Ini ang nangin resulta sa pagbotohay sang House Justice Panel sa ulihi nga adlaw sang impeachment hearings kontra kay VP Sara Duterte.
Sa natabo nga botohay, nakakuha sang unanimous vote ang 53 ka ka mga Justice panel members agud mag-establish sang probable cause sa “Saballa et al. complaint” nga amo ang third impeachment complaint nga gin-file sang February 9, 2026, batok kay Duterte, nga nagaakusa sa iya sang misuse sang confidential funds, corruption, kag betrayal of public trust.
Gin-endorso ni Rep. Leila de Lima ang complaint.
Unanimous vote man ang nakuha para ma-establish ang probable cause para sa 4th impeachment complaint nga gin-file ni Atty. Nathaniel Cabrera kag gin- endorse ni Manila 6th District Rep. Bienvenido βBennyβ Abante Jr. kag Deputy Speaker and La Union 1st District Rep. Francisco Paolo Ortega V.
Ini nagalakip sang alegasyon sang unexplained wealth, violations of Statements of Assets, Liabilities and Net Worth (SALN) requirements, bribery kag threat batok kay President Ferdinand R. Marcos Jr., First Lady Liza Araneta-Marcos kag former Speaker Ferdinand Martin Romualdez.
Matapos naestablisar ang probable cause, ang committee magapreparar sang report kag resolution nga ipasa sa full House plenary.
Magakinahanglan ini sang at least one-third (1/3) sang tanan nga House members agud mapadala ang Articles of Impeachment sa Senado para sa full trial.
Ang Senado ang magaakto bilang Impeachment Court, agud mag-usisa sang mga ebidensya batok sa Vice President.
Diri magaboto ang Senado agud i- convict ukon indi si Duterte.
Kun nakakuha sang two-thirds majority ukon 16 out of 24 Senators, ang Vice President ang kakason sa pwesto.
Kun mapaslawan nga malab-ot ang one-third threshold, ang complaint iga-dismiss kag wala na sang ano man nga impeachment batok sa iya sa sulod sang isa ka tuig.
