ILOILO – Mahimo nga madekalarar sang state of calamity ang bug-os nga probinsya sang Iloilo.
Sa interview sang Bombo Radyo kay Governor Arthur Defensor Sr., iya ginpahayag nga ginahulat na lang sa subong ang resolution sang pila ka mga kabanwahanan sa probinsya agud nga maka-deklarar na sang state of calamity.
Suno kay Defensor, wala pa makapasa sang resolution ang banwa sang Maasin, Dueñas, Sta Barbara , San Dionisio, Igbaras kag Miag-ao kag ang mga nakapasa na amo ang banwa sang Lambunao, Bingawan kag Janiuay.
Dugang pa sang natungdan, kun mahimo nga makumpleto na ang resolution, magahingyo ang gobernador sa Provincial Disaster Risk Reduction Management Office (PDRRMO) nga hatagan gilayon sang lihok ang pagdeklarar sang state of calamity.
