ILOILO CITY – Wala ginbaton sang prosecutor sang International Criminal Court ang request sang Pilippine government nga indi na magbalik sa imbestigasyon sang kontrobersyal nga drug war ni anay presidente Rodrigo Duterte.
Una na nga nagpanindugan sang Pilipinas nga wala sang jurisdiction ang mo nga international court kag ang gin-alegar nga mga krimen ang indi malala nga nagakinahanglan sang dugang nga pag-akto kag ang gobyerno ang nag-imbestigar na sang gina-alegar nga kirmen.
Suno kay Prosecutor Karim Khan, wala sang merito ang tanan nga arguments sang Marcos administration.
Gin-reiterate man ni Khan ang iya request sa Pre-Trial Chamber nga imandu ang pagbalik sang imbestigasyon.
Dugang pa sang prosecutor, ang Pilipinas ang napaslawan nga magpakita nga nagapatigayon na sang national investigations ukon prosecutions nga makapakita sang imbestigasyon nga gina-authorize sang Chamber.
Sang nagligad nga tuig, ginpahanugutan sang International Criminal Court ang full investigation sang drug war bangud ini ang nagapakita nga isa ka illegitimate kag systematic nga pagpang-atake sa mga sibilyan.
Ang Pilipinas sa idalom sang administrasyon ni Duterte ang naggwa sa Rome Statute sang the Hague-based tribunal sang 2018.
Ang iya successor nga si President Ferdinand “Bongbong” Marcos Jr. ang wala na nagpasakop pa liwat sa Rome Statute.
