ILOILO – Mas pagahugton sang provincial government ang mga lihok nga ila ginpatigayon agud malikawan nga makasulod sa Iloilo ang nga baboy nga nagikan sa Mindanao kag apektado sang African Swine Fever.
Sa interview sang Bombo Radyo kay Iloilo Governor Arthur Defensor Jr., iya ginpahayag nga nakapapanaog na siya sang executive order sa pag ban sa pagsulod sang mga baboy kag pork products nagikan sa Mindano.
Suno kay Defensor, nagpatigayon na sang inspeksyon ang Provincial Veterinary sa mga balaligyaan agud masigurado nga wala sang ginabaligya nga meat products nagikan sa Mindanao.
Dugang sang natungdan, sa subong may yara sila sang ginahulat nga resulta sang isa ka storage facility nga ginpaidalom sa testing agud mahibaluan kun positibo ini sa African Swine Fever.
