ILOILO – Padayon sa gihapon ang pag monitor sang Provincial Government sa kaso sang Dengue Hemmorhagic Fever sa mga kabanhawanan sa probinsya.
Sa interview sang Bombo Radyo kay Iloilo Governor Arthur Defensor, iya ginpahayag nga base sa pinaka bag-o nga rekord sang kaso sang Dengue sa probinsya may yara nalang sang 132 nga in patient as of Oktubre 15 kun sa diin mas nagnubo ini kun ikompara sang nagligad.
Suno kay Gov. Defensor apisar nga gamay nalang ang nabilin nga kaso, padayunon sa gihapon ang pag monitor kag pagbantay sang Provincial Government agud mahatagan sang nagakadapat nga pagtamod ang mga pasyente.
Nagpanugyan ang gobernador nga padayunon ang pagpatigayon sang pagpanglimpyo ukon ang 4oclock habit agud madula ang mga lamok nga may dala sang Dengue virus.
