ILOILO CITY- Nanindugan ang Public Safety and Transportation Management Office nga wala nila ginpwersa kag ginpilit ang mga Badjao nga may identification document nga papulion sa Zamboanga.
Ini matapos natalupangdan nga ang iban nga Badjao nga gindala pabalik sa Bacolod City agud papaulion sa Zamboanga ang may ginauyatan nga mga identifcation card.
Sa interview sang Bombo Radyo kay Mr. Jeck Conlu, pinuno sang opisina, iya ginpahayag nga ang ila nga mga ginpang- rescue sang damlag gid lamang amo ang mga Badjao nga luyag nga magpauli.
Suno kay Conlu, sa bahin naman sang issue sang mga identification card nga ginauyatan sang iban nga mga Badjao, gina- verify pa nila ini.
Dugang sang natungdan, matuod gid man nga may yara nga mga Indigenous People nga ginapili nga magtinir sa syudad kag ang iban sa ila ang nagaistar na diri kag nagapanghagad sang iban nga kaupdapan nga magpadulong man sa syudad.
