Ginpalab-ot ni Davao City 1st District Representative Paolo Duterte kay former President Rodrigo Duterte ang iya mensahe sang pagpasalamat kag pagpalangga kadungan sang Father’s Day, Hunyo 21.
Suno sa kongresista, sa tunga sang mga pagpanghangkat sa kabuhi sang anay punong ehekutibo, indi magbag-o ang ila nga pagpalangga sa iya amay.
Masobra isa ka tuig na nga na-detain si Duterte sa The Hague bangud sa kaso nga crimes against humanity. Napasaka na ang iya kaso para sa full-blown trial sa International Criminal Court (ICC).
Gindayaw ni Pulong ang kabakod kag determinasyon sang iya amay sa paghatag sang proteksyon sa iya pamilya kag sa mga tawo nga iya gina-serbisyuhan.
“Nakita namin kung gaano ka katatag at kadeterminado sa pagprotekta sa iyong pamilya at sa mga taong iyong pinagsilbihan. At tulad ng maraming ama, alam naming may mga sakripisyong ikaw lamang ang tunay na nakaaalam kung gaano kabigat,” suno sa anak nga Duterte.
“Ipinakita mo na ang isang ama ay hindi lamang tagapagtaguyod ng pamilya. Siya rin ang unang dumedepensa, ang unang humaharap sa mga pagsubok, at ang handang sumalo ng sakit upang hindi na ito maranasan ng kanyang pamilya,” pahayag pa sini.
Sa pagtakop sang iya mensahe, gintamyaw man sang kongresista ang mga opisyal sang gobyerno nga gintawag sini nga “bangag” kag “korap.”
“Bago ko pala makalimutan, isama ko na rin ang mga bangag at korap na mga ama na nasa gobyerno,” suno sa iya mensahe. “Ituloy lang ninyo ang inyong kasiyahan diyan. Dinadamay pa ninyo ang inyong mga anak sa inyong mga kalokohan. Malapit na kayo!”
